"ઘેડ "ની ધરા.......

                         "ઘેડ"ની ધરા 

                     એમ તો આખી દુનિયા ફરવી ગમે અને નિત નવી હોટલોમાં જમવું ગમે, ન જોયેલા ફુવારાને જોઇને ફોટા પાડવાનું મન થાય, સ્વીમીંગ પુલમાં પડીને નાહવાનું મન થાય ને નીકળતા નીકળતા કહેવાનું પણ મન થાય કે પુરા થૈ ગયા ભૈ ખીસ્સા ખાલી થૈ ગયા. હાલો પાછા આપણા ઠેકાણે.
                        એમ તો અમદાવાદ પણ ફરવું ગમે અને પેરીસ નું પણ ફરાય, વિચારીને જવાબ દેજો કયારેય "ઘેડ"માં આવ્યા છો,? કયારેય "ઘેડ"માં આવવાનું મન થયું છે? જોયું છે કયારેય મારા માધવરાય નું "માધવપુર" આવો લઇ જાવ આજે તમને મારી ઘેડની ધરા માં. કયારેક વિમાનની ઉંચી ઉડાન છોડીને મારા આ ઘેડના રસ્તામાં પગપાળા હાલજો એવું લાગશે જાણે કે માઁ ધરતી તમારાજ પગલાની રાહ જોતી હતી, અને એ ધરતીની ધુળ ડમરી બનીને તમારું સ્વાગત કરશે. તમારા મોંઘા એ સ્વીમીંગ પુલને છોડીને કયારેક મારા ગામની ખોદાયેલી એ ખાણમાં ભરાઈ ગયેલા પાણી મા નાવા આવજો છેક તળીયે પડેલું પાણી પણ અનેરો આનંદ આપશે. તમારી એ મોંઘી હોટલના બીલ છોડીને કયારેક મારા ઘેડનો બાજરીનો રોટલો ખાવા આવજો, અંતર નો અદભુત ઓડકાર અપાવશે એવી તાકાત છે મારી ઘેડની ધરામાં. લહેર મારતા એ દરિયાના મોજા સાચા ફુવારા છે. કયારેક આવજો મારા માધવરાયનો માંડવોને જાદવ કુળની જાન જોવા. આવજો મારા માધવરાય ના માધવપુર માં.
Urvisha G Vegda
"Najuk"

યાદ

હિંચકી ન અપાવે એ યાદ શું કામની.
યાદ મા આંસુ ન આવે તો એ આંખ શું કામની.
લાગણી તો અહી બધા માટે હોય છે,

સામા મળે ને પાંપણ ન જુકે તો એ આશિકી શુ કામની. 

રાહગીર થી ભરેલા રસ્તામા ઘણા મળશે,
પણ જીવનભર સાથ ન આપે તો એ કેળી શુ કામની.
" Najuk"

પ્રેમ નો કોલલેટર

મારા પ્રેમ નો તને call letter  આવ્યો છે,
તારા દિલનું તું verification કરી જા.
વિશ્ર્વાસ ન તોડવાની Job ની તને ઓફર મળે છે,
મૌન ની સહી કરી મે તને મંજૂરી આપી છે.
જો તને મંજુર હોય.......
તો મુલાકાત ની Meeting કરી જા,
અને જો તને મંજુર ના હોય.......
તો 'નાજુક' શબ્દોની સહી કરી અને રાજીનામુ આપી જા.
Vegda Urvisha (Najuk)

સંગાથી

સંગાથી
છે એવી સુંદરતા તારી આંખો માં,
જાણે મદીરા પીધી મે સુરાલય માં.
જામ ચડ્યો એવો તારી સંગાથ માં,
જાણે શાયરી મળી છે મહેફિલ માં.
છે એવી ભવ્યતા તારી ચાહત માં,
જાણે સંગાથી મળ્યો મને જીંદગી માં.

Vegda Urvisha. (Najuk)

ચાંદ
છુપાયેલી લાગણીઓ જે હવે બાર નીકળી છે.
દોષ શું અમારો નજર તમારી કાતિલ નીકળી છે.
એમ તો અમારી આંખો પણ નશીલી નીકળી છે,
પણ તમારી સુરાલયની મદિરા જેવી નીકળી છે.
નશો ન હતો એવો કોઇ જે મને ચડી શકે,
પણ તમારો નશો એ તો મારી આદત નીકળી છે.
ચાંદની કહે તે ચાંદ ચોર્યો તુ ચોર નીકળી છે,
શું કહુ એને ચોરેલો ચાંદ 'નાજુક'ની જીંદગી નીકળી છે.

Vegda Urvisha (Najuk)

દીકરી

 મેઘનો મલ્હાર થૈ’ને આવ દીકરી,

આંગણે શણગાર થૈ’ને આવ દીકરી.

મોરનો નીનાદ થૈ’ને આવ દીકરી,

પાંદડે પમરાટ થૈ’ને આવ દીકરી.

વ્હાલનો ભંડાર થૈ’ને આવ દીકરી,

આલમે ઇતિહાસ થૈ’ને આવ દીકરી.

આંખનો વિશ્વાસ થૈ’ને આવ દીકરી,

પ્રલયે ઘડનાર થૈ’ને આવ દીકરી.

જ્ઞાનનો વારીધિ થૈ’ને આવ દીકરી,

લોચને અરમાન થૈ’ને આવ દીકરી.

Vegda Urvisha (Najuk )